Молитва казаков
Молитвы которые должен знать каждый казак:
Во имя Отца и Сына и Святаго Духа. Аминь.
Господи Иисуссе Христе, Сыне Божий, помилуй мя грешнаго.
Слава Тебе, Боже наш, слава Тебе.
СВЯТОМУ ДУХУ
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый крепкий, Святый Безсмертный, помилуй нас (трижды).
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас, Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй, (трижды)
Слава Отцу и Сыну и Святому Духу, и ныне и присно и во веки веков. Аминь.
ОТЧЕ НАШ
Отче наш, Иже еси на небесех! Да святится имя Твое, да при-идет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение; но избави нас от лукаваго. Аминь.
ТРОПАРЬ КРЕСТУ И МОЛИТВА ЗА ОТЕЧЕСТВО
Спаси, Господи, люди Твоя и благослови достояние Твое, победы православным христианам на сопротивныя даруя, и Твое сохраняя Крестом Твоим жительство.
МОЛИТВА КО ПРЕСВЯТОЙ БОГОРОДИЦЕ
Пресвятая Владычице моя, Богородице, святыми Твоими и всесильными мольбами отжени от мене, смиреннаго и окаяннаго раба Твоего, уныние, забвение, неразумие, нерадение и вся скверная, лукавая и хульная помышления, от окаяннаго моего сердца и от помраченнаго ума моего. И погаси пламень страстей моих, яко нищ есмь и окаянен. И избави меня от многих и лютых воспоминаний и предприятий, и от всех действ злых свободи меня. Яко благословенна еси от всех родов, и славится пречестное имя Твое во веки веков. Аминь.
ПРИВЕТСТВИЕ ПРЕСВЯТОЙ БОГОРОДИЦЕ
Богородице Дево, радуйся, Благодатная Марие, Господь с Тобою. Благословена Ты в женах, и благословен Плод чрева Твоего, яко Спаса родила еси душ наших.
МОЛИТВА КО СВЯТОМУ АНГЕЛУ ХРАНИТЕЛЮ
Ангеле Божий, хранителю моей святый, на соблюдение мне от Бога с небесе данный, прилежно молю тя: ты мя днесь просвяти и от всякаго зла сохрани, ко благому деянию настави и на путь спасения направи. Аминь.
